6-қадам. SQL сервері параметрлерін конфигурациялау

Шебердің осы қадамында, өзіңіз таңдаған дерекқорды басқару жүйесіне (ДҚБЖ) байланысты, келесі қосылым параметрлерін көрсетіңіз:

• Алдыңғы қадамда Microsoft SQL сервері немесе SQL Server Express таңдалған болсаңыз:
  • SQL сервері үлгісінің атауы өрісінде, желіде орнатылған SQL серверінің атауын көрсетіңіз. Шолу түймесінің көмегімен, желіде орнатылған барлық SQL серверлерінің тізімін аша аласыз. Әдепкі бойынша, өріс толтырылмаған.

    SQL Server серверіне пайдаланушы порты арқылы қосылсаңыз, онда SQL Server данасының атауымен бірге порт нөмірін үтір арқылы көрсетіңіз, мысалы:

    SQL_Server_host_name,1433

    Басқару сервері мен SQL Server сервері арасындағы байланысты сертификат арқылы қорғасаңыз, SQL сервері үлгісінің атауы өрісінде сертификат жасау кезінде қолданылған дананың атауын көрсетіңіз. Аталған SQL Server данасын қолдансаңыз, SQL Server данасының атауымен бірге порт нөмірін үтір арқылы көрсетіңіз, мысалы:

    SQL_Server_name,1433

    Бір құрылғыда бірнеше SQL Server данасын қолдансаңыз, кері қиғаш сызық арқылы дананың атауын қосымша түрде көрсетіңіз, мысалы:

    SQL_Server_name\SQL_Server_instance_name,1433

    Корпоративтік желідегі SQL Server үшін Always On функциясы қосулы болса, SQL сервері үлгісінің атауы өрісінде қолжетімділік тобының тыңдаушысының атын енгізіңіз. Назар аударыңыз, Always On функциясы қосулы болған кезде Басқару сервері синхронды түрде бекітумен бірге қолжетімділік режимін ғана қолдайды.

  • Дерекқор атауы өрісінде Басқару серверінің ақпаратын орналастыру үшін жасалған дерекқордың атауын белгілеңіз. Әдепкі бойынша, KAV мәні көрсетілген.

  Осы қадамда Kaspersky Security Center орнатып жатқан құрылғыға SQL серверін орнатқыңыз келсе, орнатуды доғарып, SQL серверін орнатқаннан кейін қайта іске қосуыңыз керек. Қолдау көрсетілетін SQL серверлері жүйеге қойылатын талаптарда көрсетілген.

  SQL серверін қашықтағы құрылғыға орнатқыңыз келсе, Kaspersky Security Center орнату шеберінің жұмысын тоқтатудың қажеті жоқ. SQL Server серверін орнатыңыз және Kaspersky Security Center орнатуға оралыңыз.

• Алдыңғы қадамда MySQL немесе MariaDB таңдалған болсаңыз:
  • SQL сервері үлгісінің атауы өрісінде ДҚБЖ үлгінің атауын көрсетіңіз. Әдепкі бойынша, Kaspersky Security Center орнатылатын құрылғының IP мекенжайы қолданылады.
  • Порт өрісінде Басқару серверін DBMS серверінің дерекқорына қосу үшін портты көрсетіңіз. Әдепкі бойынша 3306-порт орнатылған.
  • Дерекқор атауы өрісінде Басқару серверінің ақпаратын орналастыру үшін жасалған дерекқордың атауын белгілеңіз. Әдепкі бойынша, KAV мәні көрсетілген.
• Алдыңғы қадамда PostgreSQL немесе Postgres Pro таңдалған болсаңыз:
  • PostgreSQL немесе Postgres Pro сервері өрісінде ДҚБЖ үлгінің атауын көрсетіңіз. Әдепкі бойынша, Kaspersky Security Center орнатылатын құрылғының IP мекенжайы қолданылады.
  • Порт өрісінде Басқару серверін ДҚБЖ-не қосу үшін портты көрсетіңіз. Әдепкі бойынша 5432-порт орнатылған.
  • Дерекқор атауы өрісінде Басқару серверінің ақпаратын орналастыру үшін жасалған дерекқордың атауын белгілеңіз. Әдепкі бойынша, KAV мәні көрсетілген.

Басына оралу